Qorǵanys mınıstri júrgizýshisi talyp qalǵan avtobýsty toqtatqan balany «El qorǵany» medalimen marapattady

<p>Bul nagradany &laquo;Jas sarbaz&raquo; balalar-jasóspirimder qozǵalysynyń tárbıelenýshisi Aqjol Geroıǵa qorǵanys vedomstvosynyń basshysy atynan Desanttyq-shabýyldaý áskerleriniń qolbasshysy general-maıor Almaz Jumakeev tabys etti, dep habarlaıdy <a href="https://kaz.inform.kz/?_gl=1*10dei9s*_ga*MTc0OTkxNzIyNC4xNzAxMDc3NzI4*_ga_Y44SMVECD5*MTcwMTA3NzcyNy4xLjEuMTcwMTA3NzczOS40OC4wLjA.&amp;pk_vid=4aa0da15580fd6e01701077747a50f0a" target="_blank" rel="noopener">Kazinform </a>qorǵanys vedomstvosynyń <a href="https://www.gov.kz/memleket/entities/mod/press/news/details/659840?lang=kk" target="_blank" rel="noopener">baspasóz</a> qyzmetine silteme jasap.</p>

Іs-sharaǵa Desanttyq-shabýyldaý áskerleriniń qolbasshylyǵy men jeke quramy, Aqjoldyń ata-anasy jáne «Jas sarbaz» qozǵalysynyń tárbıelenýshileri qatysty.

General-polkovnık Rýslan Jaqsylyqov «Jas sarbaz» áskerı-patrıottyq klýbynyń tárbıelenýshisi Aqjolǵa batyl is-áreketiniń arqasynda jol-kólik oqıǵasynyń aldyn alǵany úshin izgi tilekterin jetkizgen.

Foto: QR Qorǵanys mınıstrliginiń baspasóz qyzmeti

«Sizderdiń uldaryńyz syndarly sátte naǵyz batyr ekenin dáleldedi», - delingen Aqjoldyń ata-anasyna jazylǵan alǵys hatta.

22 qarashada Іle aýdany Ótegen batyr kentindegi №24 lıtseıdiń 8 synyp oqýshysy Aqjol Geroı 219  qoǵamdyq avtobýsqa otyrǵan bolatyn. Jolaı júrgizýshiniń júrek talmasy ustaıdy. Muny baıqaǵan Aqjol júrgizýshi kabınasyna júgirip jetip, tejegishti basyp úlgeredi. Sonyń arqasynda avtobýs turǵyn úı qorshaýyna jarty metr ǵana jer jetpeı toqtaıdy.

8 synyp oqýshysynyń jedel qımyly qaýiptiń aldyn aldy.

Foto: QR Qorǵanys mınıstrliginiń baspasóz qyzmeti

Kýágerlerdiń aıtýynsha, Aqjol kólikti toqtatpaǵanda ol úıdi soǵatyn edi. Oqýshynyń bul batyl áreketi týraly habarlamalar barlyq aqparattyq arnalar men áleýmettik jelilerde keńinen jarııalanýda.

Ózi oqıtyn mektepte erjúrek oqýshy noýtbýkpen marapattaldy. Almaty oblysynyń ákimi Marat Sultanǵazıev oǵan alǵys hat pen sońǵy úlgidegi iPhone 15 uıaly telefonyn tabys etti.

Foto: QR Qorǵanys mınıstrliginiń baspasóz qyzmeti