Qorǵanys mınıstri Jarkenttegi merzimdi qyzmet sarbazy neden qaıtys bolǵanyn aıtty

<p>ASTANA. KAZINFORM &ndash; Qorǵanys mınıstri Rýslan Jaqsylyqov Jetisý oblysy Jarkent kentinde merzimdi qyzmet sarbazy neden qaıtys bolǵanyn aıtty.</p>

«Jeltoqsan aıynda Jarkentte merzimdi qyzmet sarbazy qaıtys boldy. Ol týraly bilesiz be? Ne sebep bolǵan?» - dep surady jýrnalıst mınıstrden Parlament Palatalarynyń birlesken otyrysynan keıin.

Rýslan Jaqsylyqov ólimniń sebebi menıngıt ekenin aıtty.

«Birinshiden, marqumnyń otbasyna taǵy da kóńil aıtqym keledi. Aýrý. Bul – menıngıttiń jyldam ótetin formasy. Bilesiz be, ádette aýrýdyń mundaı formasy tasymaldaýshylarda kezdesedi. Ókinishke qaraı, biz jas jigitterdi áskerge shaqyrǵan kezde mindetti analızderdiń tizbesinde menıngıt tasymaldaýshylardy anyqtaıtyn taldaý joq. Biz qazir osy taldaý túrin tizbege qosýǵa kúsh salyp jatyrmyz», - dedi ol.

Aıtýynsha, budan bylaı áskerı bólimshege kelgen bolashaq sarbazdar menıgıtke qarsy tekserýden ótetin bolady.

«Osy jaǵdaıdan keıin jas jigitterdi áskerı bólimge kelgen sátte menıngokok tasymaldaýshylarǵa qarsy 100 paıyz tekserý júrgizý týraly sheshim qabyldadym jáne aqsha bólindi. Eger anyqtalsa, dári-dármektiń kómegimen-aq 5-7 kúnniń ishinde emdeledi. Bolashaqta mundaı bolmaıdy degen sóz. Biraq problema bar. Men ózim de ákemin. Bul onyń otbasy úshin ǵana emes, bárimiz úshin úlken qaıǵy. Qaıǵyryp kóńil aıtam, qazaqsha kelgende bul ajal», - dedi Rýslan Jaqsylyqov.

Aıta keteıik, Parlament qazaqstandyq áskerılerdiń BUU mıssııalaryna qatysý týraly Joldaýyn maquldady.