Qorǵaljyn jastary turmysy tómen otbasylarǵa azyq-túlik úlestirýde

KÓKShETAÝ. QazAqparat - Aqmola oblysy Qorǵaljyn aýdandyq jastar resýrstyq ortalyǵynyń uıymdastyrýymen turmys jaǵdaıy tómen, kópbalaly, muqtaj otbasylarǵa qaıyrymdylyq kómek kórsetý boıynsha «Aýdan jastarynan - 21 ıgi is» aktsııasy júzege asyrylýda, dep habarlaıdy QazAqparat tilshisi.

Qorǵaljyn aýdandyq jastar resýrstyq ortalyǵynyń málimeti boıynsha, bul joly ıgi is Aryqty aýylynda oryn aldy. Jastar resýrstyq ortalyǵynyń uıymdastyrýymen aǵaıyndy Berik jáne Azamat Tuıamashevterdiń qaıymdylyq kómeginiń arqasynda Gúlmıra Ómirbekovanyń otbasyna bir aıǵa jetetin azyq-túlik ónimderi jetkizildi.

Budan bólek, Áset Dangılov, Týǵanbek Qomarov, Azamat Jaqypov, Abylaıhan Zulhanov sııaqty azamattardyń kómegimen 1-toptaǵy múgedek Sársen Jolamanovtyń otbasy da qajetti azyq-túlikpen qamtamasyz etildi. Sonymen qatar, bul azamattardyń demeýshiligimen áleýmettik jaǵdaıy tómen, kópbalaly, jalǵyzbasty 2 otbasyna azyq-túlik jetkizildi.

«Qazirgi kúni elimizde qaıyrymdylyq sharalary kóptep ótkizilip jatyr. Bul - aýdan jastarynyń ótkizip otyrǵan alǵashqy sharasy emes. Osyǵan deıin de kóptegen qaıyrymdylyq isterdi qolǵa alǵan bolatynbyz. Biz úshin eń mańyzdysy - úlken kisilerdiń batasy men turmysy tómen otbasylardyń alǵysyn alý. Eger biz bir otbasyǵa bolsa da, kishkene qýanysh syılaı alsaq, ol - biz úshin jetistik»,- deıdi aýdandyq jastar resýrstyq ortalyǵynyń mamandary.