Qorǵaljyn aýdanynda órtti sóndirýge tikushaq jumyldyryldy

KÓKShETAÝ. QazAqparat - Aqmola oblysynyń Qorǵaljyn aýdanyndaǵy Sarykólde órtenip jatqan qamysty sóndirýge tikushaq jumyldyryldy. Bul týraly aımaq basshysy Ermek Marjyqpaevtyń tóraǵalyǵymen ótken oblystyń jedel shtabtyń otyrysynda aıtyldy, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.

Vedomstvonyń málimetinshe, shtab otyrysynda aýmaqtyq TJD bastyǵy Nurlan Atyǵaevtyń órt sóndirý jumystary barysy jaıynda baıandady. Onyń aıtýynsha, batpaq, ekpindi jel jáne tehnıka júretin joldyń joqtyǵy órtti sóndirýge biraz qıyndyqtar keltirýde. Sol sebepti, «Qazavıaqutqarý» AQ tikushaǵy tartyldy.

«Qazirgi kezde tilsiz jaýdy aýyzdyqtaýǵa qutqarý qyzmetteriniń kúshteri men quraldary, atap aıtqanda 40 adam men 16 tehnıka jáne 1 tikushaq jumyldyryldy. Órttiń taralýyn boldyrmaý úshin áýeden sý shashý jáne ot oshaqtaryn sóndirý jumystary júrgizilýde. Órttiń shyǵý sebebi anyqtalyp jatyr. Eldi mekenderge qaýip joq», - dedi vedomstvodan.

Aıta ketsek, budan buryn Qorǵaljynda janyp jatqan 100 gektar qamysty sóndirýge tikushaq tartylǵanyn jazǵan edik.