Koreılik ınvestorlar Qazaqstanda qaıtalama qaıta óńdeý salasyn damytpaq

<p>ASTANA. KAZINFORM &ndash; Qazaqstandyq &laquo;Ónerkásipti damytý qory&raquo; Ońtústik Koreıalyq ınvestorlarmen qaıtalama shıkizatty qaıta óńdeý salasynda yntymaqtastyq kelisimge keldi.</p>

«Búgingi konferentsııa otandyq qaıta óńdeý kásipkerlerimen ózara is-qımyldy kúsheıtý maqsatynda ótkizildi. Onyń barysynda tuıyq tsıkl ekonomıkasynyń aspektileri, qaıtalama shıkizatty qaıta óńdeý salasyndaǵy salyq mólsherlemeleri týraly zańnama, shaǵyn jáne orta bıznesti qarjylandyrý jáne sýbsıdııalaý máseleleri talqylandy», - dedi Qazaqstannyń qaıtalama shıkizatty qaıta óńdeýshiler qaýymdastyǵynyń tóraǵasy Batyrbek Áýbákirov. 

Konferentsııa barysynda Ońtústik Koreıadan kelgen ınvestorlarmen B2B kezdesýler ótti, onyń qorytyndysy boıynsha «Ónerkásipti damytý qory» AQ-men yntymaqtastyq týraly memorandýmǵa qol qoıyldy.

«Ońtústik Koreıanyń qaıtalama qaıta óńdeý salasyn damytýda halyqaralyq tájirıbesi mol. Búgingi jıynda koreılik ınvestorlarmen shıkizat jáne logıstıka problemalary, qaıtalama shıkizatty qaıta óńdeý jáne qaldyqtardy jınaý salasyn odan ári damytý men qoldaý máselelerin sóz etip, kelisimge keldik», - deıdi qaýymdastyq tóraǵasy. 

Aıta ketsek, elimizde 100 myń tonna plastıktiń tek 3,5 myń tonnasy ǵana qaıta óńdeledi. 

Búgin Astanada «Qazaqstanda qaıtalama shıkizatty qaıta óńdeý: damý problemalary men perspektıvalary» taqyrybynda gıbrıdti formattaǵy halyqaralyq konferentsııa ótti.