Koreıanyń áıgili rejısseri Qazaqstanda fılm túsirmek

ASTANA. QazAqparat - Ońtústik Koreıanyń áıgili rejısseri Kım Kı Dýk Qazaqstanda fılm túsiretin boldy. Bul týraly qazaqstandyq rejısser Aqan Sataev aıtty, dep habarlaıdy QazAqparat.

«І Halyqaralyq Almaty Film Festival óziniń jemisin berip jatyr. Búkil álemge áıgili Ońtústik Koreıanyń rejısseri Kım Kı Dýk Almatyǵa taǵy keldi. Onyń basty maqsaty - Qazaqstanda jańa fılm túsirý. Men maqtanyshpen @astanafilmfund osy jobaǵa qatysýshy bolǵanyn aıtqym keledi», - dep jazady Aqan Sataev óz paraqshasynda.

Qazaqstan rejısserdiń habarlaýynsha, keshe ol koreıalyq rejıssermen kezdesý ótkizip, túsirilim protsesi, akterlardy tańdaý jumysyn talqylaǵan.

«Aıta keterligi, fılm qazaqstan retinde tanystyrylady. Barlyq túsirilim jumystary Almatyda bizdiń akterlardyń qatysýymen ótedi. Fılm Qazaqstan men TMD elderindegi prokat úshin orys tilinde túsiriledi. Halyqaralyq kórermenderdiń kóńilinen fılm shyǵar degen úmittemin», - deıdi Aqan Sataev.

Aıta ketsek, Kım Kı Dýk áıgili «Peta» trılerimen Venetsııa kınofestıvalinde «Altyn arystan» syılyǵyn alǵan, San-Sebastıandaǵy Halyqaralyq kınofestıvalde top jarǵan,  Brıýssel Halyqaralyq fantastıkalyq fılmder festıvalinde «Altyn Qarǵa» syılyǵyna ıe bolǵan rejısser. «Jabaıy janýarlar», «Qus tor» oteli» «Shynaıy ótirik» fılmderi álemniń birqatar tilderine aýdarylyp, kórermenniń zor yqylasyna ıe bolǵan.