Koreıalyqtar Qazalyda alma aǵashtaryn otyrǵyzdy
Qyzylorda oblystyq orman sharýashylyǵy jáne janýarlar dúnıesi aýmaqtyq ınspektsııasy, Koreı eli ókilderiniń bastamasymen Qazaly qalasynyń turǵyndaryna 1757 túp alma aǵashy kósheti tabystaldy. Koreıalyq azamattar qaladaǵy Oıaz baǵyna baryp, elmen birge kóshetterdi otyrǵyzdy.
Oıaz baǵyndaǵy sharaǵa Qazaly qalasy ákiminiń orynbasary Almat Ábilhan, Qazaqstan Respýblıkasy Aýyl sharýashylyǵy mınıstrligi Orman sharýashylyǵy jáne janýarlar dúnıesi komıteti Orman jáne erekshe qorǵalatyn tabıǵı aýmaqtar basqarmasynyń basshysy Maqsat Elemesov qatysty. Olar turǵyndardy qalany kórkeıtip, kógaldandyrýǵa shaqyrdy.
«Biz Syr óńiriniń jasyl jelekke aınalýyna tilektespiz. Óıtkeni, osy aımaqqa, sonyń ishinde Qazaly jerine zamanynda káris ultynyń ókilderi jer aýdarylǵan bolatyn. Olarǵa jergilikti halyq qamqorlyq kórsetti. Sondyqtan, búgingi shara qazaq halqynyń qamqorlyǵyna aıtqan alǵysymyz. Igi nıetpen ákelgen jemis aǵashtary kóktep, ol osy elge saıa bolsa deımiz», - deıdi Koreı eliniń ókili Kım Gı Hen.
Aıta keteıik, Ekinshi dúnıejúzilik soǵys jyldarynda Qazaly óńirine kərister Qıyr Shyǵystan jer aýdarylǵan bolatyn. Qazirgi kúni de aýdanda 60-tan astam kəris ultynyń ókili ómir súrýde.