Koreıada júk kóligi men avtobýs soqtyǵysyp, 1 adam qaza tapty, 10-y jaraqattandy

PANDJÝ. YONHAP-QazAqparat - Beısenbi kúni Seýlden soltústikke qaraı 30 shaqyrym jerde ornalasqan Padjý qalasynda drama túsirý toby mingen avtobýs samosvalǵa soǵylyp, bir adam qaza tapty, 10 adam jaraqat aldy, olardyń úsheýiniń jaǵdaıy aýyr, dep habarlaıdy QazAqparat YONHAP agenttigine silteme jasap.

Polıtsııanyń málimetinshe, jol-kólik oqıǵasy tórt jolaqty Djaıý kúre jolynda Padjýmen aralyqta tańǵy saǵat 7:50-de boldy. Júk kóligi jol boıyndaǵy janarmaı quıý beketinen shyqqan soń birden úshinshi jolaqqa shyǵyp ketip, avtobýsty soqqan.

Oqıǵa saldarynan avtobýstyń 30 jastaǵy bir jolaýshysy qaza tapty, taǵy 10 adam jaraqatpen aýrýhanaǵa jetkizildi, olardyń úsheýi aýyr halde, avtobýs júrgizýshisi zardap shekpegen.

Avtobýs osy jyldyń ekinshi jartysynda efırge shyǵatyn tvN tarıhı dramasynyń ekıpajyn tasymaldaǵan, al prodıýser apattyń qurbany boldy.

Oqys oqıǵa sol aýmaqta kólik keptelisin týdyrdy, óıtkeni júk kóliginen tógilgen munaıdy tazartý úshin eki jolaq shamamen úsh saǵatqa jabyldy. Polıtsııa apattyń naqty sebebin anyqtap jatqanyn málimdedi.