Koreıada qurylysta jumys istep júrgen Qazaqstan azamaty 18-qabattan qulap kóz jumdy

<p><span style="font-family: sans-serif; font-size: 18px;">Ońtústik Koreıada 18-qabattaǵy páterdiń tóbesin boıaǵaly jatqan qazaqstandyq er adam jerge qulap ketip kóz jumdy, dep habarlaıdy QazAqparat jergilikti BAQ málimetine silteme jasap.&nbsp;</span></p>

«21 qyrkúıek kúni tańǵy saǵat 8:25-te Kımhe qalasyndaǵy Kanto-Dongtaǵy páterdi boıaý jumystaryna daıyndalý úshin qorǵanys jolaǵyn ornatqan Qazaqstan azamaty 18-qabattan jerge qulady. Jazataıym oqıǵadan keıin qazaqstandyq aýrýhanaǵa jetkizildi, alaıda dárigerler onyń ómirin saqtap qala almady», - dep habarlady idomin.com jergilikti polıtsııaǵa silteme jasap.

Sondaı-aq, jergilikti basylym bul kásiporynnyń mundaı oqıǵa úshin zań aıasynda jazalanbaıtynyn atap ótti, óıtkeni onda jumys isteıtinder sany 50-ge de jetpeıdi.

Polıtsııanyń málimetinshe, qazaqstandyq er adam Ońtústik Koreıada zańsyz júrgen. Ol elge týrıstik vızamen kirgen.

Sonymen birge, jergilikti polıtsııa bul jazataıym oqıǵany egjeı-tegjeıli zertteıtinin, ásirese jabdyqtyń tozýy men kompanııa basshylyǵynyń qaýipsizdik erejelerin saqtaýyn tekseretinin málimdegen.