Koreıada koronavırýs juqtyrdy degen qazaqstandyq ózi týraly aqparatqa tańǵaldy - SІM
«Ol ózi baılanysqa shyqty jáne sýretiniń taralyp jatqanyna tańǵalyp otyr. Anson qalasynda esh ýaqytta bolmaǵan jáne eshqandaı saraptama tapsyrmaǵan. Degemen, qazir test tapsyrýǵa daıyn», - dedi Aıbek Smadııarov.
Onyń atap ótýinshe, Ońtústik Koreıadaǵy Qazaqstan Elshiligi bul máseleni turaqty baqylaýynda ustap otyr.
«QR Syrtqy ister mınıstrligi BAQ ókilderine tekserilmegen aqparatty jarııalap, dúrliktirmeýdi jáne úreı týdyrmaýdy suraıdy. Syrtqy saıası vedomstvonyń resmı túsiniktemesin kútýge keńes beremiz», - dedi ol.
Buǵan deıin habarlaǵanymyzdaı, jyldyń 3 naýryzynda Ońtústik Koreıanyń áleýmettik jelileriniń orys tildi toptarynda Ońtústik Koreıada zańsyz júrgen Qazaqstan Respýblıkasynyń azamaty COVID-19 koronavırýsyna shaldyqqany rastaldy degen aqparat taraǵan. Keıinnen birneshe kún buryn qazaqstandyq azamat koronavırýske shaldyqqan adam barǵan qoǵamdyq tamaqtaný ornynda bolǵany anyqtalǵan.
«Bizdiń Elshilik koronavırýs Ońtústik Koreıa aýmaǵynda anyqtalǵan alǵashqy kúnnen bastap jergilikti Іshki ister mınıstrligimen jáne Aýrýlardy baqylaý, aldyn alý koreı ortalyǵymen tyǵyz jumys istep keledi. Atalǵan ortalyqtyń usynysy boıynsha bizdiń otandasymyz telefon arqyly kúndelikti densaýlyǵyna baqylaý júrgizip, úı karantıninde bolýy qajet. Bul usynys aýrýdyń syrtqy belgileri joqtyǵyna negizdelgen jáne ony emdeýge jatqyzýdan jáne koronavırýstyń bolýyn testileýden bas tartyldy», - degen edi Aıbek Smadııarov.