Koreıada indet órship tur: turǵyndardyń avtobýsqa otyrýyna tyıym salyndy

SEÝL. YONHAP-QazAqparat – Ońtústik Koreıa beısenbi kúni shetelden omıkron shtamynyń kelýiniń aldyn alý maqsatynda turǵyndaryna qoǵamdyq kólikti paıdalanýǵa tyıym salatynyn málimdedi. Elde shetelden vırýs juqtyryp kelgender qatary rekordtyq deńgeıge jetken, dep habarlaıdy QazAqparat YONHAP agenttigine silteme jasap.

Koreıanyń aýrýlardy baqylaý jáne aldyn alý agenttiginiń (KDCA) habarlaýynsha, el turǵyndary ózderiniń jeke avtokólikterin nemese resmı belgilengen qaýipsiz taksı, avtobýs nemese poıyzdardy paıdalana alady.

Sonymen qatar Ońtústik Koreıaǵa kelgen bette adamdar sońǵy 48 saǵat ishinde berilgen test nátıjesin kórsetýi kerek. Buryn sońǵy 72 saǵat ishinde berilgen test nátıjesi qabyldanatyn edi.

20 qańtardan bastap engiziletin kúsheıtilgen sharalar sońǵy kúnderi shetelden vırýs juqtyryp kelýshiler qatarynyń kóbeıýimen baılanysty, olardyń sany beısenbi kúni rekordtyq 391-ge jetken.

KDCA derekteri boıynsha, shetelden kelgen juqtyrý jaǵdaılarynyń 80%-y – omıkron shtamy.

Beısenbi kúni Ońtústik Koreıada COVID-19 juqtyrýdyń 4 167 jaǵdaıy tirkelgen, olardyń 3 776-sy – jergilikti. Vırýs juqtyrǵandar sany 679 030-ǵa jetti.