Koreıada áskerı jaǵdaı jarııalandy: Elshilik qazaqstandyqtarǵa úndeý jasady

<p>ASTANA. KAZINFORM &mdash; Ońtústik Koreıa prezıdenti ıÝn Sok El halqyna joldaý jasap, elde&nbsp; áskerı tótenshe jaǵdaı jarııalandy, dep habarlaıdy <a href="https://en.yna.co.kr/view/AEN20241203012155315?section=national/politics" target="_blank" rel="noopener">Yonhap</a>&nbsp; agenttigi.</p>

Agenttiktiń taratqan aqparatyna qaraǵanda, buǵan deıin Ońtústik Koreıa prezıdenti shuǵyl keńes ótkizip, ózine ımpıchment jarııalaý áreketi jasalǵanyn málimdedi. Ol oppozıtsııany eldiń negizgi qyzmetterin oryndaý úshin qajetti barlyq mańyzdy bıýdjet qarajattaryn qysqartty dep aıyptady.

Osyǵan oraı Koreıadaǵy Qazaqstan elshiligi qazaqstandyqtarǵa úndeý jasady.

 — Koreıa Respýblıkasy Prezıdenti ıÝn Sok Eldiń áskerı jaǵdaı engizýine baılanysty Koreıa Respýblıkasynda júrgen Qazaqstan azamattaryn sabyrlylyq saqtap, jergilikti bıliktiń usynystaryn oryndaýǵa jáne kópshilik is-sharalardan aýlaq bolýǵa shaqyramyz, — delingen Elshiliktiń habarlamasynda.

Eske salsaq, qarasha aıynyń ortasynda Soltústik Koreıa Ońtústik Koreıaǵa 40-qa jýyq qoqys sharyn ushyrdy. Sonymen qatar Japonııa, AQSh jáne Ońtústik Koreıa birlesken áskerı jattyǵýlaryn bastady.