Koreıada alǵash ret koronavırýs juqtyrǵandardyń táýliktik sany 50 myńǵa taıady

SEÝL. YONHAP-QazAqparat – Ońtústik Koreıada táýliktik COVID-19 juqtyrý kórsetkishi kúrt artyp, sársenbi kúni 50 myńǵa jetti. Bul – jańa maksımým, dep habarlaıdy QazAqparat YONHAP agenttigine silteme jasap.

Koreıanyń aýrýlardyń aldyn alý jáne baqylaý agenttiginiń (KDCA) derekterine saı, elde COVID-19 juqtyrýdyń jańa 49 567 jaǵdaıy tirkelgen, olardyń 49 402-si – jergilikti. Osylaısha, koronavırýs juqtyrǵandar sany 1 131 248-ge jetti.

Táýliktik juqtyrý jaǵadaıy birinshi ret 40 myńnan asyp otyr. Bunyń aldyndaǵy rekord 38 689 bolǵan, bul kórsetkish jeksenbi kúni tirkelgen edi.

Sońǵy eki aptada ınfektsııa juqtyrǵandar sany shamamen tórt ese artty.

Densaýlyq saqtaý organdary osy aıdyń aıaǵyna deıin bul kórsetkishtiń 170 myńǵa jetýi múmkin ekenin eskertti.

COVID-19-dan qaıtys bolǵandar sany 6 943-ke jetti, bul seısenbi kúngi kórsetkishten 21-ge kóp.

KDCA derekteri boıynsha, koronavırýstyń aýyr formasymen 285 naýqas aýyrady, bul bir kún burynǵy kórsetkishpen salystyrǵanda 17-ge kóp.