Koreıada 34 jylda alǵash ret 30 jastaǵy ana birden bes balany dúnıege ákeldi
30 jastaǵy áıel bir júktilik ýaqytynda Seýl ulttyq ýnıversıtetiniń aýrýhanasynda bosanǵan. Beısenbiniń keshinde dúnıege tórt ul bala men bir qyz keldi.
Aýrýhana málimetinshe, áıel kesar tiligi kómegimen bosandy. Bosaný protsesine professor Djýn Chen Kvannyń basshylyǵymen 30-dan astam medıtsınalyq qyzmetker qatysty.
Elde sońǵy ret birden bes balanyń dúnıege kelý faktisi sonaý 1987 jyly tirkelgen. Kópuryqty basqa balalar sııaqty, bul bes náresteniń salmaǵy jeńil bolǵanymen, densaýlyǵy jaqsy.
Shaqalaqtardyń ata-anasynyń ekeýi de 30 jasta, olar 17-shi armııalyq dıvızııanyń kapıtandary. 2018 jyly otaý qurǵan. Anasy jasandy uryqtandyrý jolymen júkti bolǵan.
«Meniń jubaıym shynymen de baqytty, sebebi ol egiz bolǵanyn qalaǵan edi», - deıdi baqytty ana.