Koreıa elshisi Denıs Ten qazasy týraly: Qazirgi kúıimizdi sózben aıtyp jetkizý qıyn

ASTANA. QazAqparat - Koreıanyń Qazaqstan Respýblıkasyndaǵy elshisi Kım De Sık tanymal qazaqstandyq mánerlep syrǵanaýshy Denıs Tenniń jaqyndary men týystaryna kóńil aıtty, dep habarlaıdy QazAqparat tilshisi.

«Daryndy sportshy Denıs Tenniń mezgilsiz qaıtys bolýy týraly sýyt habar Koreıadaǵy Qazaqstan elshiliginiń qyzmetkerlerin eseńgiretti. Bizdiń qazirgi kúıimizdi sózben aıtyp jetkizý qıyn. Talantty ári aqjarqyn adam bolǵan, elden kómegin aıamaǵan Denıs Tenniń jaqyndary men týystaryna kóńil aıtamyz», - dep jazdy elshi Telegram jelisinde. 

Dıplomat Qazaqstan úshin ǵana emes, jalpy koreı halqy úshin de Denıs Tenniń orny oısyrap turǵanyn jazdy.

«Denıstiń tarıhı otanyndaǵy halyq ta qaıǵyryp otyr. Denıs Ten - japon otarlaýshylaryna qarsy kúresken general Mın Gyn Honyń urpaǵy edi. Halyqtyń súıikti ulynyń qaza tabýyna baılanysty Koreıa Respýblıkasynyń halqy men úkimeti atynan kóńil aıtamyz», - dep jazdy ol.

Foto: 24.kz