Koreı kosmetıkasynyń eksporty rekordtyq deńgeıge jetti

<p>ASTANA. KAZINFORM &mdash; Ońtústik Koreıanyń kosmetıkalyq ónimder eksporty 2024 jyldyń birinshi toqsanynda ótken jylmen salystyrǵanda 20%-dan asty, dep jazady <a href="https://en.yna.co.kr/view/AEN20240403004200320" target="_blank" rel="noopener">Yonhap.</a></p>

Koreıa keden qyzmetiniń málimetine sáıkes, Ońtústik Koreıanyń kosmetıka eksporty qańtar-naýryz kezeńinde 2,3 mıllıard dollar boldy, bul ótken jylmen salystyrǵanda 21,7%-ǵa kóp.

Bul – osy kezge deıingi barlyq birinshi toqsandardaǵy eń joǵary deńgeı.

Birinshi toqsanda taýarlardyń basym bóligi Qytaıǵa jóneltildi. Ondaǵy eksport 610 mln dollarǵa jetti. Odan keıin AQSh – 380 mln dollar, Japonııa 240 mln dollar jáne Vetnam 150 mln dollar kórsetkishke ıe boldy.

Derekterge súıensek, osy ýaqyt aralyǵynda Ońtústik Koreıa kosmetıkasy álemniń 175 elinde satylǵan.