Qordaıdaǵy jaǵdaıdan zardap shekkenderge memleket qandaı kómek kórsetedi
Eske sala ketsek, 8 aqpanda Qordaı aýdanynda Qazaqstan Respýblıkasynyń Prezıdenti Qasym-Jomart Toqaevtyń tapsyrmasymen qurylǵan úkimet komıssııasy qaıǵyly oqıǵa saldaryn joıý úshin Qordaıǵa kelgen bolatyn. Komıssııany Qazaqstan Respýblıkasy Premer-Mınıstriniń orynbasary Berdibek Saparbaev basqarady. Komıssııa quramyna májilismender, mınıstrlikter men vedomstvolardyń ókilderi kirip otyr.
QR Parlamenti Májilisiniń depýtaty Shakır Hahazov QazAqparat tilshisiniń suraǵyna bergen jaýabynda komıssııa janjaldyń sebepterin anyqtaýmen, áleýmettik-ekonomıkalyq jáne gýmanıtarlyq máselelerdi sheshýmen, zardap shekkenderge kómek kórsetýmen aınalysyp, nysandardy qalpyna keltirý jumysyn uıymdastyryp jatqanyn aıtty. Sońǵy málimetke sensek, 25 turǵyn úı, 31 kommertsııalyq nysan men 41 avtokólik zaqymdalǵan.
«Janyp ketken nysandarǵa qatysty komıssııa jumys istep jatyr. Smeta ázirlenýde. Qazir jumys qarqyndy júrip jatyr, - dep sendirdi májilismen. - Qaza bolǵandardyń otbasyna qoldaý týraly aıtar bolsaq, Berdibek Máshbekuly bárin túsindirip berdi. Biz bárin halyqpen aqyldasyp, birge talqylaımyz. Qalpyna keltirý protsesterine qajet qarajat tolyǵymen qamtamasyz etiledi».
Spıkerdiń aıtýynsha, barlyq memlekettik organdar aımaqtaǵy tártipti qamtamasyz etý úshin belsendi jumys júrgizýde.