Qordaıda 4 balabaqsha paıdalanýǵa berildi
Osy oraıda oblys kóleminde halyq densaýlyǵynyń sapasyn arttyrý maqsatynda aýqymdy sharalar qolǵa alynyp, jumystar júrgizilýde. Ol úshin jekemenshik sektordy jumyldyra otyryp, qarjylandyrý men basqarýdyń jańa ádisteri qoldanylýda. Medıtsınalyq qyzmet sapasyn arttyrý boıynsha ınnovatsııalyq ádis-tásilderi engizilip, jańa ǵımarattar men nysandardyń qurylysy júrgizildi. Aıtalyq, merekege oraı ashylǵan 7 medıtsınalyq nysannyń 2-eýi memlekettik, 5-eýi memlekettik-jekeshelik áriptestik aıasynda boı kótergen. Olar Baızaq aýdanyndaǵy, Kókózek, Jýaly aýdanyndaǵy Ertaı, Qoshqarata, Qordaı aýdanyndaǵy Jańaturmys, T.Rysqulov aýdanyndaǵy Mamaı-qaıyńdy, Shý aýdanyndaǵy Kókqaınar, Báıdibek aýyldarynda ornalasqan.
Bul ashylǵan medıtsınalyq mekemeler arqyly aýyldyq jerlerdegi alǵashqy medıtsınalyq kómek kórsetý qajettiligi 84 paıyzǵa qamtylady. Jalpy buǵan deıin oblysta 95 alǵashqy medıtsınalyq kómek kórsetý uıymdaryna ǵımarat qajet bolatyn.
Bul bıýdjettik ınvestıtsııalyq joba retinde júzege asyrylǵanda, oǵan jalpy 6 567,6 mıllıon teńge jáne 7 jyl ýaqyt kerek bolatyn. Al, memlekettik-jekemenshik áriptestik aıasynda salý arqyly merzimin 3 jylǵa, jumsalatyn qarjy kólemi 2 376 mıllıon teńgege qysqartyldy. Naqtyraq aıtqanda 4 jyl ýaqyt jáne 4 192 mıllıon teńge qarjy únemdelip otyr. ıAǵnı, 95 nysannyń 29-y bıyl ashylyp úlgerildi. Osy sekildi 2019 jyly 40, 2020 jyly 25 nysan boı kóteredi dep josparlanýda.
Sondaı-aq, merekege oraı oblystyń Qordaı aýdanynda 100 oryndyq 4 balabaqsha paıdalanýǵa berildi. «Aıarý», «Aısultan», «Senim Qordaı», «Nursıla» jekemenshik balabaqshalary qazirgi tańda búldirshinderdi qabyldaýǵa daıyn. Bul oblystaǵy mektepke deıingi tárbıemen qamtylǵan 3-6 jastaǵy balalardyń úlesin 98 paıyzǵa jýyqtatty. Al, keler jyly taǵy 29 balabaqsha ashý arqyly, 3-6 jastaǵy balalardy mektepke deıingi tárbıemen 100 paıyz qamtý kózdelip otyr.
Aıta ketý kerek, bul kúnderi Jambyl aýdanyndaǵy Toǵyztaraý aýylynyń sýmen qamtamasyz etý nysany iske qosylsa, Prıgorodnoe jáne Qordaı aýdanyndaǵy Aýqatty aýylynyń sýmen qamtasyz etý júıesi qaıta jańǵyrtyldy. Talas aýdanyndaǵy Qyzyláýit aýylynyń ınjenerlik kommýnıkatsııalyq ınfraqurylymyn damytý jáne jaılastyrý, Shý aýdanyndaǵy Tóle bı aýylynyń káriz júıesin qaıta jańǵyrtý sharalary aıaqtaldy.
Avtory: Ǵıbrat SEMBAI