Qordaı shekara beketinde kúmándi qujattarmen Qyrǵyzstan azamaty ustaldy
14:45, 17 Qańtar 2022
TARAZ. QazAqparat - UQK Shekara qyzmetiniń Jambyl oblysy boıynsha departamenti memlekettik shekaradan eki shaqyrym jerden atys qarýy jasyrylǵan oryndy tapty, dep habarlaıdy QazAqparat.
Ulttyq qaýipsizdik komıteti taratqan málimetke sensek, jasyryn jerden 4 tapansha men 6 birlik ıir oıyq jáne tegis uńǵyly qarý túrleri alyndy.
Atalǵan fakti boıynsha tergeý amaldary júrgizilip jatyr.
14 qańtarda «Qordaı» avtokólik ótkizý pýnktinde jeńil avtokólikpen kele jatqan Qyrǵyzctannyń S. degen azamaty ustaldy.
Tekserý kezinde kóliktiń júksalǵyshynan 50 dana lıterlik mór, 4 dana sheteldik pasport pen 20 dana bank kartasy tabyldy.
Ustalǵan azamat Qordaı aýdany boıynsha AІІB-ǵa tapsyryldy.