Qordaı oqıǵasynda kóz jumǵandardyń otbasyna 55 myń teńgeden áleýmettik kómek berilip jatyr
«Búginde Qordaı aýdanynda zardap shekken 39 otbasyǵa 44 mln teńge kóleminde kómek kórsetildi. Qosymsha aýdannyń 936 otbasyna 122 tonna azyq-túlik pen qaıyrymdylyq kómek qamtamasyz etildi», - dep atap ótti spıker Ortalyq kommýnıkatsııalar qyzmetinde ótken onlaın baspasóz máslıhatynda.
Sonymen birge, asyraýshysynan aıyrylýyna baılanysty, qaıtys bolǵan jandardyń otbasylaryna aı saıyn orta eseppen 55 myń teńge áleýmettik járdemaqy taǵaıyndalyp, tólenip jatyr.
«TJ kezinde tabysynan aıyrylǵan aýdan turǵyndaryna 42 500 teńgeden, kepildendirilgen áleýmettik toptama – 55 myń aýdan turǵynyna jáne AÁK aıasynda 813 otbasyǵa barlyǵy 2 mlrd teńge qarajat tólendi», - dedi E. Jylqybaev.
Buǵan deıin spıker aýdanda zardap shekken 65 nysannyń 54-inde qalpyna keltirý jumystary bastalǵanyn habarlady.
Eske sala ketsek, 7 aqpan kúni Jambyl oblysy Qordaı aýdanyndaǵy Masanshy aýylynyń turǵyndary arasynda jappaı tóbeles boldy.
Oqıǵa ornynda 8 adam, aýrýhanada 2 adam kóz jumdy.
Jambyl oblysynyń Qordaı aýdanynda ultaralyq tatýlyq pen kelisimdi saqtaý jáne nyǵaıtýǵa baǵyttalǵan «Beıbitshilik pen kelisim» atty jańa joba qol alyndy.