Qordaı oqıǵasy: nelikten tehnogendik sıpattaǵy tótenshe jaǵdaı jarııalandy

NUR-SULTAN. QazAqparat – Jambyl oblysynyń ákimi Berdibek Saparbaev Qordaıdaǵy oqıǵaǵa baılanysty nelikten tehnogendik tótenshe jaǵdaı jarııalanǵanyn túsindirdi, dep habarlaıdy QazAqparat tilshisi.

«Eshqandaı jarylys bolǵan joq. Degenmen, ózderińiz de kórgendeı, ol jerde kóptegen turǵyn úı búlinip, órt boldy. Sondyqtan tehnogendik sıpattaǵy tótenshe jaǵdaı jarııalanǵan», - dedi ol.

Osy rette BAQ ókilderi «Qordaı oqıǵasy áleýmettik sıpattaǵy tótenshe jaǵdaı retinde eseptelmeı me?» dep suraǵan edi.

«Joq, negizinen tehnogendik sıpatta. Sebebi, biz eń aldymen, barlyq turǵyn úılerdi, saýda núktelerin qalpyna keltirip, joldardy, kóshelerdi tazalaýymyz kerek. Bul jerde áleýmettik sıpat joq, negizinen tehnogendik sıpat sanalady. Respýblıka zańyna sáıkes, qaza tapqandardyń otbasyna, asyraýshysynan aıyrylǵan otbasylarǵa áleýmettik kómek kórsetiledi», - dep jaýap berdi Berdibek Saparbaev.