Qordaı oqıǵasy kezinde qıraǵan nysandar kúzge deıin jóndeledi – ákimdik
«Memleket basshysy Qasym-Jomart Toqaevtyń tapsyrmasyna sáıkes, Úekimettiń qadaǵalaýymen Qordaı aýdanynda tótenshe jaǵdaı saldarynan búlingen nysandardy qalpyna keltirý, jóndeý jumystary búginde qarqyndy júrip jatyr. Árbir qalpyna keltirý nysanyn anyqtap, zańǵa sáıkestigin tekserip, olardyń qurylys barysyn zerdelep, ýaqytyly aıaqtaýdy qadaǵalaý úshin oblysta tıisti jumys toby quryldy. Bul komıssııaǵa belsendi azamattar, máslıhat depýttary, úkimettik emes uıymdardyń ókilderi kirip otyr», - dedi spıker Ortalyq kommýnıkatsııalar qyzmetinde ótken onlaın baspasóz máslıhatynda.
Onyń aıtýynsha, Qordaı aýdanynda buzylǵan 65 nysannyń 54-inde, onyń ishinde 45 turǵyn úı, 13 kommertsııalyq nysanda 30 sáýirden bastap qalpyna keltirý jumystary bastalyp ketti. Onda tıisti merdigerler jumys atqaryp jatyr.
«Osyǵan qaraı, 5 adamnan qurylǵan «Shıvon» qoǵamdyq qaıyrymdylyq qory quryldy. Demeýshiler esebinen osy qorǵa búginde 104 mln teńge qarajat aýdaryldy. Qazirgi tańda 6 nysanda jumys tolyq aıaqtaldy. Qalǵanyn tamyz aıynyń sońyna deıin aıaqtaý josparlanyp otyr. Odan bólek, ortasha zardap shekken, kúrdeli jóndeýdi qajet etpeıtin 103 nysan da demeýshiler kómegimen qalpyna keltirildi», - dedi E. Jylqybaev.
Eske sala ketsek, 7 aqpan kúni Jambyl oblysy Qordaı aýdanyndaǵy Masanchı aýylynyń turǵyndary arasynda jappaı tóbeles boldy.
Oqıǵa ornynda 8 adam, aýrýhanada 2 adam kóz jumdy.
Jambyl oblysynyń Qordaı aýdanynda ultaralyq tatýlyq pen kelisimdi saqtaý jáne nyǵaıtýǵa baǵyttalǵan «Beıbitshilik pen kelisim» atty jańa joba qol alyndy.