Qor naryǵynda dollar qymbattady

ALMATY. QazAqparat – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy ósti, dep habarlaıdy QazAqparat tilshisi.

KASE qor naryǵyndaǵy kúndizgi saýda qorytyndysyna sáıkes, dollar 1,18 teńgege qymbattap, 1 AQSh dollarynyń ortasha quny 446, 36 teńgeni qurady.

Ulttyq banktiń 7 tamyzdaǵy resmı baǵamy – 1 dollarǵa 445,29 teńge. Reseı rýbliniń ortasha saralanǵan quny – 4,69 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnkterinde dollar 446,5 teńgeden satylyp jatyr, satyp alý baǵamy – 449,1 teńge. Al Astana qalasynda satý – 447,1 teńge, satyp alý – 451,1 teńge. Reseı rýbli 4,59 – 4,83 teńge aralyǵynda saýdalanyp jatyr.

Aıta keteıik, 4 tamyz kúngi KASE-degi keshki saýda qorytyndysy boıynsha, dollar 0,15 teńgege qymbattap, 445,18 teńgeni quraǵan bolatyn.