Qor naryǵynda dollar baǵamy taǵy 4 teńgege tómendedi

ALMATY. QazAqparat – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege qatysty baǵamy taǵy tómendedi. Osylaısha dollar eki kúnde 10 teńgege arzandap otyr, dep habarlaıdy QazAqparat tilshisi.

Kúndizgi saýda-sattyq málimetine qaraǵanda, dollar baǵamy 4,45 teńgege tómendep, 1 dollar 431,08 teńge boldy.
Aıta keteıik, Ulttyq banktiń 3 naýryzdaǵy resmı baǵamy – 1 dollar úshin 435, 69 teńge boldy.
Kurs.kz málimetinshe, Almatydaǵy aqsha aıyrbastaý pýnkterinde dollardyń satý baǵamy – 432 teńge, satyp alý – 436 teńge.
Al, Astana qalasy boıynsha satý baǵamy – 432 teńgeden bolsa, satyp alý – 435,5
Almatyda Reseı rýbli 5,65 – 5,9 teńge aralyǵynda saýdalanyp jatyr.
Astanada kórshi el valıýtasy 5,62 - 5,72 teńgeden satylýda.

Aıta keteıik, keshe qor naryǵynda dollar baǵamy birden 6 teńgege arzandaǵanyn jazǵan edik.