Qor naryǵynda dollar baǵamy 461 teńge boldy

ALMATY. QazAqparat – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege qatysty baǵamy sál tómendedi, dep habarlaıdy QazAqparat tilshisi.

Kúndizgi saýda-sattyq málimetine qaraǵanda, dollar baǵamy 0,03 teńgege tómendep, 1 dollar 461,37 teńge boldy.

Aıta keteıik, Ulttyq banktiń 26 qańtardaǵy resmı baǵamy – 1 dollar úshin 461, 41 teńge boldy.

Kurs.kz málimetinshe, Almatydaǵy aqsha aıyrbastaý pýnktterinde dollardyń satý baǵamy – 460 teńge, satyp alý – 464 teńge.

Al, Astana qalasy boıynsha satý baǵamy – 459,5 teńgeden bolsa, satyp alý – 462,5.

Reseı rýbli 6,35 – 6,65 teńge aralyǵynda saýdalanyp jatyr.

Aıta keteıik, Qor naryǵynda dollar baǵamy tórtinshi kún qatarynan arzandap jatyr.