Qor naryǵynda dollar baǵamy 1,71 teńgege arzandady

ALMATY. QazAqparat – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege qatysty baǵamy tómendedi, dep habarlaıdy QazAqparat tilshisi.

Kúndizgi saýda-sattyq málimetine qaraǵanda, dollar quny 1,71 teńgege tómendep, 1 dollar 444, 85 teńge boldy.

Aıta keteıik, Ulttyq banktiń 8 maýsymdaǵy resmı baǵamy – 1 dollar úshin 446, 65 teńge. Kurs.kz málimetinshe, Almatydaǵy aqsha aıyrbastaý pýnkterinde dollar 444,5 teńgeden satylyp jatyr, satyp alý – 448 teńge. Al Astana qalasy boıynsha satý baǵamy – 443 teńge bolsa, satyp alý – 447 teńge.Almatyda Reseı rýbli 5,37 – 5,61 teńge aralyǵynda saýdalanyp jatyr. Astanada kórshi el valıýtasy 5,35 - 5,45 teńgeden usynylýda.