Qor naryǵynda dollar arzandady

ALMATY. QazAqparat – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege qatysty baǵamy arzandady, dep habarlaıdy QazAqparat tilshisi.

Kúndizgi saýda-sattyq málimetine qaraǵanda, dollar baǵamy 0,56 teńgege tómendep, 1 dollar 445,88 teńge boldy.

Aıta keteıik, Ulttyq banktiń 8 tamyzdaǵy resmı baǵamy 1 dollar úshin 446,36 teńge boldy.

Kurs.kz málimetinshe, Almatydaǵy aqsha aıyrbastaý pýnktterinde dollardyń satý baǵamy – 446,1 teńge, satyp alý – 448,7 teńge. Al Astana qalasy boıynsha satý baǵamy 446 teńgeden bolsa, satyp alý – 450.

Almatyda Reseı rýbli 4,61 – 4,83 teńge aralyǵynda saýdalansa, Astanada kórshi el valıýtasy 4,68 – 4,78 teńgeden satylyp jatyr.