Qor naryǵynda dollar qansha teńgeden saýdalanyp jatyr

<p>ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde dollar 494 &ndash; 499 teńge aralyǵynda saýdalanyp jatyr.</p>

Ulttyq banktiń 22 qarashaǵa arnalǵan resmı baǵamy — 1 dollarǵa 494,87 teńge. Reseı rýbliniń ortasha saralanǵan quny — 4,91 teńge. Eýro — 520,65.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 496,9 teńgeden satylyp jatyr, satyp alý baǵamy — 498,9 teńge. Eýro 520,5 — 525 teńge aralyǵynda qubylyp tur.

Al, Astana qalasy boıynsha dollardy satý baǵamy — 494 teńge, satyp alý quny — 499 teńge. Eýro 520 teńgeden satylyp, 527 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 4,89 - 5,02 aralyǵynda saýdalanyp jatyr.

Aıta keteıik, 21 qarasha keshki saýda qorytyndysy boıynsha, dollardyń ortasha baǵamy 0,36 teńgege tómendep, 494,98 teńge bolǵan.

Osyǵan deıin QR Ulttyq banki tóraǵasynyń orynbasary Vıtalıı Týtýshkın dollar baǵamynyń 600 teńgege deıin ósýi múmkin be degen suraqqa jaýap berdi.