Qor naryǵynda dollar arzandady

<p>ALMATY. KAZINFORM &ndash; Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy tómendedi.</p>

KASE qor naryǵyndaǵy kúndizgi saýda qorytyndysy boıynsha, dollar baǵamy 1,62 teńgege arzandady.

Bir AQSh dollarynyń ortasha baǵamy – 523,17 teńge.

Ulttyq banktiń 3 jeltoqsanǵa arnalǵan resmı baǵamy — 1 dollarǵa 524,58 teńge. Reseı rýbliniń ortasha saralanǵan quny — 4,93 teńge. Eýro — 551,91.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 524,5 teńgeden satylyp jatyr, satyp alý baǵamy — 528 teńge. Eýro 548 — 552 teńge aralyǵynda qubylyp tur.

Al, Astana qalasy boıynsha dollardy satý baǵamy — 522 teńge, satyp alý quny — 529 teńge. Eýro 543 teńgeden satylyp, 553 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 4,97 - 5,07 aralyǵynda saýdalanyp jatyr.

Eske salaıyq, 2 jeltoqsan kúni dollar baǵamy 12 teńgege qymbattaǵan bolatyn. 

Ulttyq bank bazalyq mólsherlemeni 15,25%-ǵa deıin kóterdi.

Sondaı-aq Ulttyq bank tóraǵasy Tımýr Súleımenov dollar baǵamynyń ózgerýi ımport taýarlary qunyna áser etýi múmkin ekenin aıtty. 

Ulttyq ekonomıka mınıstri Nurlan Baıbazarovtyń aıtýynsha, teńge baǵamynyń álsireýine negizgi úsh faktor áser etip otyr. 

Osyǵan deıin QR Ulttyq banki tóraǵasynyń orynbasary Vıtalıı Týtýshkın dollar baǵamynyń 600 teńgege deıin ósýi múmkin be degen suraqqa jaýap berdi.