Qor naryǵynda dollar 5 teńgege qymbattady

<p>ALMATY. KAZINFORM &mdash; Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy ósti.</p>

KASE qor naryǵyndaǵy kúndizgi saýda qorytyndysy boıynsha, dollar baǵamy 5,76 teńgege qymbattady. Bir AQSh dollarynyń ortasha baǵamy — 521,81 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 522 teńgeden satylyp jatyr, satyp alý baǵamy — 526 teńge. Eýro 538 — 545 teńge aralyǵynda qubylyp tur.

Al, Astana qalasy boıynsha dollardy satý baǵamy — 522 teńge, satyp alý quny — 527 teńge. Eýro 537 teńgeden satylyp, 548 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 5,10 - 5,20 aralyǵynda saýdalanyp jatyr.

Ulttyq banktiń 27 jeltoqsanǵa usynǵan resmı baǵamy — 1 dollarǵa 515,25 teńge. Reseı rýbliniń ortasha saralanǵan quny — 5,18 teńge. Eýro — 535,91.

Osyǵan deıin Qazaqstan qarjygerler qaýymdastyǵy 2025 jyly dollar 545 teńgege deıin barýy múmkin ekenin aıtty. 

Ulttyq bank bazalyq mólsherlemeni 15,25%-ǵa deıin kóterdi.

Sondaı-aq Ulttyq bank tóraǵasy Tımýr Súleımenov dollar baǵamynyń ózgerýi ımport taýarlary qunyna áser etýi múmkin ekenin aıtty. 

Ulttyq ekonomıka mınıstri Nurlan Baıbazarovtyń aıtýynsha, teńge baǵamynyń álsireýine negizgi úsh faktor áser etip otyr.