Qor bırjalarynda Air Astana baǵaly qaǵazdary saýdalana bastady

<p>ASTANA. KAZINFORM - London qor bırjasynda (LSE) JDQ-men, Astana International Exchange (AIX) bırjasynda JDQ jáne aktsııalarmen, sondaı-aq Qazaqstan qor bırjasynda (KASE) aktsııalarmen shartsyz saýda-sattyq bastaldy.&nbsp;</p>

Saýda-sattyqtyń ashylý saltanatyna áýekompanııalar tobynyń prezıdenti Pıter Foster, «Samuryq-Qazyna» AQ Basqarma Tóraǵasy Nurlan Jaqypov, bırjalardyń basshylary, sondaı-aq bıznes jáne ınvestıtsııalyq qoǵamdastyq ókilderi qatysty.

«Bul Air Astana tarıhyndaǵy mańyzdy oqıǵa, óıtkeni biz resmı túrde jarııa kompanııaǵa aınaldyq. Jıyrma eki jyl burynǵy alǵashqy reısimizden beri biz uzaq joldan óttik, jáne men jańa aktsıonerlerimizdi qýana qarsy alamyn. Biz Ortalyq Azııadaǵy eń iri áýekompanııasy bolý jáne aımaqtaǵy mıllıondaǵan azamattarǵa aspan ashý úshin ósý tarıhymyzdyń kelesi kezeńine aıaq basyp jatyrmyz», - dep atap ótti Pıter Foster.

Jarııa mártebege ıe bolý Air Astana damýyndaǵy mańyzdy kezeńniń bastalýyn bildiredi jáne toptyń jergilikti jáne halyqaralyq deńgeıde ósýi men damýy úshin jańa múmkindikter ashady.