Kópultty elimizdiń uly muraty - Máńgilik Eldiń irgetasyn qalaýda Elbasymen birgemiz - Bas redaktorlar klýby

ASTANA. QazAqparat - Kópultty elimizdiń uly muraty - Máńgilik Eldiń irgetasyn qalaýda Elbasymen birgemiz. Nursultan Nazarbaevtyń kóregen saıasatker ári bilikti basshy retindegi baı tájirıbesi budan ári de Qazaqstannyń abyroıyn asqaqtatyp, táýelsizdigimizdi tuǵyrly etedi dep senemiz, delingen Bas redaktorlar klýbynyń Elbasynyń Qazaqstan Respýblıkasy Prezıdenti qyzmetine resmı túrde kirisýine oraı quttyqtaý hatynda.

«Asa qurmetti Nursultan Ábishuly!

Sizdi Qazaqstan Respýblıkasy Prezıdenti qyzmetine resmı túrde kirisýińizben shyn júrekten quttyqtaımyz.

Biz, Bas redaktorlar klýby, qazaqstandyq BAQ ókilderiniń iri birlestigi retinde Siz ulyqtaý saltanatynda toqtalyp ótken máselelerdiń mańyzdylyǵyn eskerip, zor yqylaspen qabyl aldyq. Siz usynyp otyrǵan bes ınstıtýtsıonaldyq reforma elimizdiń búgingi damý qarqynyn saqtap qana qoımaı, eseleı túsýdiń basty josparyna aınalary haq. Atap aıtqanda, zamanaýı memlekettik apparatty qalyptastyrý ekonomıkalyq baǵdarlamalardyń tıimdi júzege asýyn jáne memlekettik qyzmetterdi sapaly usynýdy qamtamasyz etedi. Al ekonomıkanyń damýyna yqpal etetin kásipkerlikke zańnyń ústemdigi arqyly jaǵdaı jasalyp, kelisim mindetterin qorǵaýǵa kepildik berilmek. Jappaı ındýstrııalandyrý Qazaqstannyń óndiristik qabiletine qan júgirtip, turaqty ekonomıkalyq ósimniń qozǵaýshy kúshine aınaldy. Kópultty elimizdiń uly muraty - Máńgilik Eldiń irgetasyn qalaýda biz árkez ózińizben birgemiz! Kóregen saıasatker ári bilikti basshy retindegi baı tájirıbeńiz budan ári de Qazaqstannyń abyroıyn asqaqtatyp, táýelsizdigimizdi tuǵyrly etedi dep senemiz.

Jańa prezıdenttik merzimińiz barysynda eńbegińizge jemis, elimizge qut-bereke tileımiz», delingen quttyqtaýda.