Kóptegen óńirde qatty ystyq bolady – Qazgıdromet eskertý jasady

NUR-SULTAN. QazAqparat – Qazgıdromet 6 qyrkúıekke arnalǵan aýa raıy boljamyn jarııalady, dep habarlaıdy QazAqparat.

6-8 qyrkúıekte Almaty oblysynyń basym bóliginde jáne Almaty qalasynyń mańaıynda tótenshe órt qaýpi saqtalady.

Almaty oblysynyń soltústiginde jáne ońtústiginde 35-38 gradýs qatty ystyq kútiledi.

Atyraý oblysynyń soltústiginde, shyǵysynda naızaǵaı kútiledi. Soltústik–batystan jel soǵady, kúndiz oblystyń soltústiginde, shyǵysynda, ortalyǵynda ekpini 15-20 m/s jetedi.

Jetisý oblysynyń soltústik-shyǵysynda soltústik-shyǵystan jel soǵady, ekpini 17-22 m/s kútiledi, 35-37 gradýs qatty ystyq bolady.

Qostanaı oblysynyń soltústiginde, shyǵysynda, ońtústiginde naızaǵaı kútiledi. Soltústik-shyǵystan, soltústikten jel soǵady, oblystyń soltústiginde, ońtústiginde, batysynda ekpini 15-20 m/s.

Aqmola oblysynyń soltústiginde, shyǵysynda, ońtústiginde naızaǵaı jarqyldaıdy. Soltústik-batystan soǵatyn jel ońtústik-shyǵysqa aýysady, oblystyń soltústiginde, batysynda ekpini 15-20, kúndiz keı ýaqyttarda 25 m/s jetedi.

Shyǵys Qazaqstan oblysynyń basym bóliginde qatty ystyq 35-37 gradýs kútiledi.

Qyzylorda oblysynda jel batystan, soltústik-batystan soǵady, kúndiz oblystyń ortalyǵynda kúshi 15-20 m/s kútiledi. Kúndiz 40 gradýs qatty ystyq kútiledi. Tótenshe órt qaýpi saqtalady.

Abaı oblysynyń basym bóliginde qatty ystyq 35-37 gradýs kútiledi. Oblystyń ońtústiginde, shyǵysynda tótenshe órt qaýpi saqtalady.

Batys Qazaqstan oblysynyń batysynda naızaǵaı kútiledi. Jel soltústik-batystan soǵady, kúndiz oblystyń batysynda ekpini 15-20 m/s.

Aqtóbe oblysynyń ońtústiginde naızaǵaı kútiledi. Soltústik-batystan jel soǵady, oblystyń soltústigine, shyǵysynda, ortalyǵynda ekpini 15-20 m/s kútiledi. Oblys boıynsha tótenshe órt qaýipi saqtalady.

Mańǵystaý oblysynyń batysynda qatty jańbyr kútiledi. Oblystyń batysynda, soltústiginde, shyǵysynda naızaǵaı kútiledi. Kúndiz oblystyń ortalyǵynda shańdy daýyl kútiledi. Soltústik-batystan jel soǵady, oblystyń batysynda, soltústik-shyǵysynda, ortalyǵynda ekpini 15-20 m/s kútiledi.

Túrkistan oblysynyń batysynda, taýly aýdandarynda shyǵystan jel soǵady, kúshi 15-20 m/s kútiledi. Oblystyń basym bóliginde tótenshe órt qaýipi saqtalady.

Pavlodar oblysynda ońtústikten soǵatyn jel soltústik-shyǵysqa aýysady, kúshi oblystyń soltústiginde, ońtústiginde 15-20 m/s kútiledi. Kúndiz oblystyń ońtústiginde 35-36 gradýs qatty ystyq boljanady.

Qaraǵandy oblysynyń batysynda jáne ońtústiginde 35-39 gradýs qatty ystyq saqtalady. Oblystyń batysynda, ońtústiginde jáne shyǵysynda tótenshe órt qaýpi saqtalady.

6 qyrkúıekte kúndiz Ulytaý oblysynyń basym bóliginde 35-38 gradýs qatty ystyq saqtalady. Shyǵys jeli, kúndiz oblystyń soltústiginde ekpini 18 m/s. Oblystyń basym bóliginde tótenshe órt qaýpi saqtalady.

Soltústik Qazaqstan oblysynyń basym bóliginde jańbyr kútiledi. Oblystyń soltústiginde, ońtústik-shyǵysynda naızaǵaı kútiledi. Soltústik-shyǵystan jel soǵady, túnde 15-20, ekpini 23-28 m/s, kúndiz oblystyń ońtústik-shyǵysynda ekpini 15-20 m/s jetedi.