Kóptegen qurylys kompanııasy zań talaptaryn aınalyp ótedi – Oljas Bektenov

<p>ASTANA. KAZINFORM &ndash; Úkimet basshysy Oljas Bektenov úleskerlerdiń máselesin kóterip, qazir úlestik qurylysqa qatysty zań jobasy Májiliste qaralyp jatqanyn málim etti.&nbsp;</p>

- Taǵy bir ótkir problema – úlestik qurylystaǵy zań buzýshylyq bolyp otyr. Kóptegen qurylys kompanııasy zań talaptaryn aınalyp ótip, úleskerlerdiń qarajatyn tartýdy jalǵastyryp keledi. Olarmen eshqandaı kepildik bermesten shartqa otyrady. Qazir úlestik qurylys máseleleri boıynsha zań jobasy Májilistiń qaraýynda. Mınıstrlik depýtattarmen birge úleskerler qarajatyn tartý isine baqylaýdy kúsheıtý normalaryn sapaly pysyqtaýy qajet. Sonymen qatar úlestik qurylysqa qatysty shartqa otyrý tetigin ázirleýdi tapsyramyn. Ol azamattarymyz úshin táýekelderdi tolyǵymen joıýǵa tıis, - dedi Oljas Bektenov Úkimet otyrysynda.

Osy oraıda Premer-mınıstr zańsyz qurylys máselelerin sheshý boıynsha ıaǵnı qurylys qujattamasyn sapasyz ázirleýdi joıý úshin, jyl basynan bastap qala qurylysy saraptamasy engizilgenin aıtty. 

- Josparlaý kezeńinen bastap, bekitilgen normalardan aýytqýdyń aldyn alýǵa, bekitý barysynda qatelikterdi boldyrmaýǵa múmkindik beredi. Jańadan ázirlengen jáne túzetilgen qala qurylysy jobalary, onyń ishinde buryn jergilikti deńgeıde bekitilgen egjeı-tegjeıli jobalaý jospary, memlekettik saraptamalyq tekserýden ótedi, - deıdi ol. 

Sondaı-aq Oljas Bektenov zańsyz qurylys salasynda sybaılas jemqorlyq táýekelderi barynsha azaıǵanyn aıtty. 

- Sondaı-aq adamı faktorlar jáne qol jetimdi anyqtamalyq qujattarǵa, zańsyz ózgerister engizý múmkindigi tolyǵymen joıyldy, - dep tolyqtyrdy Úkimet basshysy. 

Aıta keteıik, Oljas Bektenov qurylys talaptarynyń buzylýyna qatysty shaǵymdardyń kóbeıip jatqanyn aıtty.