Kópirden sekirmek bolǵan qarııa qutqaryldy
12:21, 01 Sáýir 2019
ÓSKEMEN. QazAqparat - Óskemendik turǵyndar egde jastaǵy adamdy kópirden sekirmek bolǵan kezde qutqaryp qaldy, dep habarlaıdy QazAqparat tilshisi.
Úlbi kópirinen sýǵa sekirmek bolyp turǵan adamdy áýeli Olga Kretova esimdi áıel baıqapty. Ol beıtanys adamnyń tý syrtynan bildirmeı jaqyndap kelip, tas qyp qushaqtaıdy. Osy kezde kópirden ótip bara jatqan jas jigit kómekke kelip, 102 nómiri arqyly polıtsııa shaqyrtqan.
«Bizdiń ornymyzda kim bolsa da osylaı jasaýshy edi. Adamnyń ómirinen qymbat eshteńe joq qoı» - deıdi Olga Kretova.
Qala turǵynynyń áreketin Óskemen qalasynyń polıtsııa basqarmasynyń basshylyǵy joǵary baǵalap, alǵys hatpen birge syılyq tabys etken. Qazirgi tańda polıtsııa qyzmetkerleri istiń mán-jaıyn anyqtaýda.