Kópbalaly otbasylar qansha járdemaqy alady

ASTANA. QazAqparat – Jyl basynan kópbalaly 545,1 myń otbasyǵa jalpy somasy 239 mlrd teńgege járdemaqy tólendi, onyń ishinde shilde aıynda 541,4 myń otbasy 33,8 mlrd teńge aldy, dep habarlaıdy QazAqparat.

Eńbek jáne halyqty áleýmettik qorǵaý mınıstrliginen málim etkendeı, memleketten járdemaqy tabysyna qaramastan, kámeletke tolmaǵan 4 jáne odan kóp balasy bar, sondaı-aq kúndizgi bólimde oqıtyn 23 jasqa deıingi stýdentteri bar otbasylarǵa beriledi.

Tólem mólsheri bala sanyna qaraı esepteledi:

- 4 balasy bar otbasylarǵa – 16,03 AEK nemese 55 304 teńge;

- 5 balaǵa – 20,04 AEK nemese 69 138 teńge;

- 6 balaǵa – 24,05 AEK nemese 82 973 teńge;

- 7 balaǵa – 28,06 AEK nemese 96 807 teńge;

- 8 jáne odan kóp balasy bar otbasylarǵa – ár balaǵa 4 AEK nemese
13 800 teńge mólsherinde.

2023 jylǵy 1 qańtardan bastap kópbalaly otbasylarǵa taǵaıyndalatyn memlekettik járdemaqylardyń mólsheri 8,5% artty.