Kópbalaly otbasyǵa jasalatyn jeńildikter qýantady - bes balanyń ákesi

KÓKShETAÝ. QazAqparat - Kópbalaly otbasylardyń áleýmettik turmysyna baıyppen qarap, qanshama jeńildikter usynyp otyrǵan partııa tóraǵasy Nursultan Nazarbaevqa aıtar alǵysymyz sheksiz. «Nur Otan» partııasynyń múshesi, bes balanyń ákesi, Şýchınsk balalar óner mektebiniń dırektory Nurhan Merkın Astanada ótken «Nur Otan» partııasynyń kezekti XVIII sezinde aıtylǵan Prezıdenttiń áleýmettik bastamalary týraly pikir bildirdi, dep habarlaıdy QazAqparat tilshisi.

Kópbalaly ákeniń aıtýynsha, Elbasynyń kópbalaly otbasylardyń áleýmettik jaǵdaıyna basa nazar aýdarý kóńilinen shyqqan.

«Men bes balany tárbıelep ósirip otyrmyn. Úlkeni joǵary oqý ornyn bitirip, mektepte muǵalim qyzmetin atqaryp júr. Ekinshi qyzymyz stýdent, qazir Anglııada taǵlymdamadan ótýde. Mektep qabyrǵasynda taǵy bir qyzymyz, eki ulymyz oqıdy. Búgingi «Nur Otan» partııasynyń 20 jyldyǵyna arnalǵan sezde qabyldanatyn sheshimderdi taǵatsyzdana kúttik. Qashanda halqynyń qamyn oılap júretin Prezıdent árbir balaǵa tólenetin járdemaqynyń mólsherin 21 myń teńgege deıin kóterdi. Respýblıkalyq bıýdjet qarjysynan jyl saıyn qosymsha 500 mlrd qarjy bólinetindigin jetkizdi. Óńirler boıynsha jergilikti atqarý organdaryna, mektepte oqıtyn kópbalaly otbasylarynyń balalaryna, tegin ystyq tamaqpen qamtý jáne qoǵamdyq kólikterde tegin júrý máselelerin sheshýdi tapsyrdy. Januıada múgedek jáne múmkindigi shekteýli balalardy tárbıelep ósirip otyrǵan ata-analarǵa tólenetin járdem aqynyń mólsherin 30 paıyzǵa kóterýdi mindettedi. Respýblıkalyq bıýdjettiń 2019-2021 jyldarǵa arnalǵan úsh jyldyq bıýdjetine áleýmettik tólemderdi qoldaý barysynda, qosymsha 300 mıllıard teńge bólinetindigin aıtyp túsindirdi. Jalpy áleýmettik salaǵa bıýdjet esebinen 45 paıyz qarjy jumsalady dep atap kórsetti. Kópbalaly otbasylarynyń jaǵdaıyn jaqsartý, baspanamen qamtý máseleleriniń aıtylýy bizderdi qýantty», - deıdi Nurhan Merkın.

Aıta keteıik, «Nur Otan» partııasynyń kezekti XVIII sezinde Elbasy «Nurly jer» baǵdarlamasy aıasynda 40 myń jaldamaly páter salynyp, 2-3 paıyz mólsherimen nesıege úı berý máselesin aldyńǵy orynǵa qoıyp, úkimetke naqtyly tapsyrmalar júktedi. Bıýdjet salasynda eńbek etetin aılyqtary tómen qyzmetkerlerdiń jalaqysy 1 shildeden bastap 30 paıyzǵa artatyn boldy. Elbasy úsh máselege basa nazar aýdardy, birinshi halyqtyń az qamtylǵan bóliginiń kiristerin arttyrý jáne qoldaý. Ekinshisi osy kategorııadaǵy halyqtyń turǵyn úı máselesin sheshý, bilim, densaýlyq saqtaý salasyn jaqsartý. Úshinshi aımaqtardy keshendi túrde damytý.

«Bala-adamnyń baýyr eti» dep dana Abaı atamyz atap ótkendeı biz sııaqty kópbalaly otbasylarynyń áleýmettik turmysyna baıyppen qarap, qanshama jeńildikter usynyp otyrǵan partııa tóraǵasy N.Nazarbaevqa aıtar alǵysymyz sheksiz!», - Nurhan Merkın.