Kópbalaly otbasylarǵa beriletin járdemaqy mólsheri artty

<p>ASTANA. KAZINFORM &ndash; 1 qańtardan bastap kópbalaly otbasylarǵa beriletin járdemaqy mólsheri ósti.</p>

Elimizdiń zańnamasy boıynsha 4 jáne odan kóp balasy bar otbasylarǵa járdemaqy arnaıy kestege saı belgilenedi.

- 4 balasy bar otbasylarǵa – 16,03 AEK;

- 5 balaǵa – 20,04 AEK;

- 6 balaǵa – 24,05 AEK;

- 7 balaǵa – 28,06 AEK;

- 8 jáne odan da kóp balasy bar otbasylarǵa – ár balaǵa 4 AEK mólsherinde járdemaqy tólenedi.

1 qańtardan bastap aılyq eseptik kórsetkish (AEK) 3692 teńgeden 3932 teńgege deıin kóbeıtildi. Sáıkesinshe 2025 jylǵy tólem bylaı belgilendi:

- tórt balaǵa – 63 030 teńge (2024 jyly – 59 183 teńge);

- bes balaǵa – 78 798 teńge (2024 jyly – 73 988 teńge);

- alty balaǵa – 94 565 teńge (2024 jyly – 88 973 teńge);

- jeti balaǵa – 110 332 teńge (2024 jyly – 103 598 teńge);

- segiz jáne odan kóp balasy bar otbasylarǵa – ár balaǵa 15 728 teńgeden (4 AEK) qosylady (2024 jyly – 14 768 teńgeden).

«Neke jáne otbasy týraly» kodekske sáıkes, kópbalaly otbasy bolyp kámeletke tolmaǵan tórt jáne odan da kóp balasy bar, onyń ishinde kámelettik jasqa tolǵannan keıin bilim berý uıymdaryn bitiretin ýaqytqa deıin (biraq 23 jastan aspaǵan bolýy kerek) orta, tehnıkalyq jáne kásiptik, orta bilimnen keıingi, joǵary nemese joǵary oqý ornynan keıingi bilim berý uıymdarynda kúndizgi oqý nysany boıynsha bilim alatyn balalary bar otbasylar jatady.

Osyǵan deıin habarlaǵanymyzdaı, jyl basynan beri kópbalaly otbasylar 390 mlrd teńgege jýyq járdemaqy aldy.