Kópbalaly otbasy balalary arnaıy kvotamen oqýǵa túse alady

<p>ASTANA. KAZINFORM — Ulttyq testileý ortalyǵy «kópbalaly otbasy» kvotasy týraly aqparat usyndy. </p>

Kámeletke tolmaǵan tórt jáne odan kóp bala tárbıelep otyrǵan otbasynan shyqqan balalar kvotasy — 5%.

ıAǵnı, jalpy mamandyqqa bólingen granttyń 5%-y osy kvotamen beriledi.

Mysaly, 2024 jyly «Pedagogıkalyq ǵylymdar» baǵyty boıynsha 13 735 grant bólingen.

Onyń ishinde 687 grant nemese 5%-y kópbalaly otbasynan shyqqan balalarǵa arnalǵan.

«Kópbalaly otbasy» kvotasy boıynsha grant konkýrsyna qatysý úshin talapker 18 jasqa tolmaýy kerek.

Otbasynda kámeletke tolmaǵan tórt bala, onyń ishinde 23 jasqa tolmaǵan kúndizgi bólimde oqıtyn joo nemese kolledj stýdenti bolýy kerek.

Mysaly, talapkerdiń ózi (18 jasqa tolmaǵan) + 1 bala (18 jasqa tolmaǵan) + 1 bala (18 jasqa tolmaǵan) + 1 bala (23 jasqa tolmaǵan kúndizgi bólimde oqıtyn joo nemese kolledj stýdenti).

Qosymsha suraqtaryńyz bolsa, joǵary oqý oryndarynyń qabyldaý komıssııasyna júginýge bolady. Olardyń baılanys nómiri myna siltemede jarııalanǵan.