Qopa stantsııasynda júk poıyzynyń vagondary relsten shyǵyp ketti
14:49, 24 Naýryz 2023
QONAEV. QazAqparat –Qopa stantsııasynda júk poıyzy vagondarynyń relsten shyǵyp ketý faktisi boıynsha Qazaqstan temir jolynda arnaıy kommıssııa quryldy, dep habarlaıdy QazAqparat «QTJ» UK«AQ baspasóz qyzmetine silteme jasap.
«23 naýryz saǵat 12:20-da Almaty oblysy Qopa stantsııasynda júk poıyzynyń qozǵalysy kezinde konteınerleri bar 4 vagon relsten shyǵyp ketti.
Qaza bolǵandar men zardap shekkender joq. Oqıǵa poıyzdar qozǵalysyna áser etken joq.
QTJ-da bolǵan oqıǵanyń sebebin tekserý úshin komıssııa quryldy», - delingen kompanııa málimetinde.