Kóp ultty Qazaqstannyń taǵdyryn beıneleıtin jańa telehıkaıa túsirilip jatyr (FOTO)

ASTANA. QazAqparat - «Qazaqstan» respýblıkalyq teleradıokorporatsııasy» AQ tapsyrysy boıynsha «SORICH PRODUCTION» JShS-i «Altyn uıa» televızııalyq kórkem telehıkaıasyn túsirýdi bastap ketti. Túsirilim qyrkúıek aıynyń sońynda aıaqtalady, al qazan aıynyń ortasynda «Qazaqstan» telearnasynyń efıri arqyly kórermenge jol tartady dep josparlanyp otyr, dep habarlady Ulttyq arnanyń baspasóz qyzmetinen.

16 serııadan turatyn drama kóptegen qazaqstandyqtardyń taǵdyrynyń mysalynda Táýelsiz Qazaqstannyń barlyq qalyptasý kezeńderi týraly baıandaıdy. Bul shynaıy oqıǵa túrli ult ókilderi mekendeıtin shaǵyn aýylda ótedi. Naqty aıtqanda, hıkaıa oqıǵasy Astananyń túbinde ornalasqan Tselınograd aýdanyna qarasty Novoıshımka aýylynda jáne elordanyń ózinde de óristeıdi. Ýaqyt óte kele shaǵyn aýyl órkendep, Astananyń ajyramas bólshegine aınalady. Telekórermender kınoqaharmandardyń taǵdyrlaryn Táýelsizdik ornaǵan 1991 jyldan bastap, qazirgi ýaqytqa deıin jas elordanyń qarqyndy damýymen birge tamashalaı alady. Kınotýyndynyń bas qaharmandary - Qarataevtar otbasy. Osy otbasynyń aınalasynda túrli ult ókilderi birigedi. Kınoǵa Almaty jáne Astana qalalarynyń teatr jáne kıno akterlary qatysady. Otaǵasy Turǵambaıdyń rólin tanymal akter Nurjuman Yqtymbaev Baıjumanuly, al onyń áıelin aktrısa Raıhan Aıtqojanova somdaıdy. Olar óz ómirlerin túgeldeı temir jol salasyna arnaǵandar. Kınokartınada mańyzdy róldiń birin dáriger ıÝrıı Tsoı oınaıdy. Sondaı-aq, aýyldastaryn jaryqtyń joqtyǵynan saqtap qalǵan jáne álemdegi barlyq oqıǵalardan habardar bolý úshin «keńestik» kezeń qulaǵan kezde elektrogenerator oılap tapqan ónertapqysh Andreı Gıbner tulǵasynda ınnovatsııaǵa da oryn beriledi. Alǵyr kásipker Ysmaıyldyń arqasynda aýylda saýda-sattyq órkendeıdi. Jas Qazaqstannyń qalyptasýyna óz úlesin Valentına Federovna da qosady, keıinnen ol Qazaqstan Halqy Assambleıasynyń (QHA) múshesi bolady. Kınoda qazaqstandyqtardyń jappaı Naýryz meıramyn toılaǵan jáne Qazaqstannyń BUU-ǵa tolyq qandy múshe bolǵan 1992 jyl sátti shyqqan. Kóptegen ulttar men konfessııa ókilderi turatyn aýyldyń órkendeýimen QHA qurýǵa mán berilip, ulttyq valıýta - teńgeniń qabyldanýy da hıkaıa qaharmandarynyń ómirinen beıjaı qalmaıdy. Kınoda mahabbat pen túńilý, jaqsylyq pen zulymdyq qatar júredi. Alaıda hıkaıa qaharmandary yntymaq pen birliktiń arqasynda, qoǵam men memleketke paıda tıgizý maqsatymen barlyq qıyndyqtarǵa tótep berip, alǵa qoıǵan asqaq armandaryna qol jetkizedi. Týyndynyń qoıýshy rejısseri - Erjan Rústembekov, qoıýshy operator - Nıkolaı Rabotıagov, qoıýshy sýretshi - Marat Imanbergen, prodıýseri - Quralaı Anarbekova.