Kóp til biletin mınıstrlerdiń reıtıngi jarııalandy

ASTANA. QazAqparat - Qazir Qazaqstanda 19 mınıstrlik bar. Ranking.kz tildi meńgerý deńgeıi boıynsha Qazaqstan mınıstrleriniń reıtıngin jasady, dep habarlaıdy QazAqparat tilshisi.

Tilderdi bilý kórsetkishi boıynsha Ǵylym jáne joǵary bilim mınıstri Nurbek Saıasat kósh bastady. Mınıstr jeti tilde — qazaq, orys, aǵylshyn, ıtalıan, túrik, japon jáne latyn tilderinde sóıleıdi.

Ekinshi orynda Syrtqy ister mınıstri Muhtar Tileýberdi men Ulttyq ekonomıka mınıstri Álibek Qýantyrov tur: árqaısysy bes tilde sóıleıdi.

Úzdik úshtikti QR Aqparat jáne qoǵamdyq damý mınıstri Darhan Qydyráli, Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın jáne Eńbek jáne halyqty áleýmettik qorǵaý mınıstri Tamara Dúısenova túıindeıdi: árqaısysy tórt tildi biledi.

Qazaqstandyq 19 mınıstrdiń 12-si aǵylshyn tilin biledi. Jalpy, QR-da aǵylshyn tilin meńgerý deńgeıi óte tómen. EF EPI 2021 jylǵy reıtınginde Qazaqstan tizimniń sońynda derlik boldy: álemdegi 112 eldiń ishinde 96-orynda. QR aǵylshyn tilin óte tómen deńgeıde meńgergen elder qataryna jatqyzyldy. Kórsetkish - 426.

TMD elderi arasynda aǵylshyn tilin ortasha deńgeıde meńgergen elder qataryna Moldova, Belarýs, Ýkraına jáne Reseı, al deńgeıi tómen elder retinde Armenııa men Ázerbaıjan kiredi. TMD-nyń qalǵan elderi aǵylshyn tilin meńgerýdiń óte tómen deńgeıin kórsetti. Olardyń ishinde Ózbekstan Qazaqstan Respýblıkasynan joǵary, al Qyrǵyzstan men Tájikstan tómen boldy.

Reıtıngte Eýropa elderi kósh bastap tur — Nıderlandy, Avstrııa jáne Danııa. Sońǵy orynda - Iemen.