Qóp qabatty úı shyǵyndary úshin páter ıeleri tóleıtin qarajat qaıda jumsalady
Bul týraly «Turǵyn úı kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ Turǵyn úı sharýashylyǵy departamentiniń dırektory Mádına Mýrsakına Astanada ótken «TKSh-EKSPO 2017» halyqaralyq forýmynda habarlady.
«Aqshanyń qalaı jumsalatyny týraly ashyq aqparat joq. Máselen, bir kooperatıv 9 úıdi ustap otyr. ıAǵnı, kooperatıv - bir ǵana esepshoty bar zańdy tulǵa. Barlyq páter ıeleri paıdalaný jarnalaryn bir esepshotqa tóleıdi. Al kooperatıv bir úıdiń qarajatyn ekinshi úıdiń qajettilikterine jumsaıdy. Sondyqtan páter ıeleri aqshamyz qaıda ketti dep daý shyǵarady. Odan bólek, páter ıeleri kooperatıvteriniń basym bóligi qyzmet kórsetý úshin kelisimshart bekitpeıdi, ıaǵnı áli kúnge deıin santehnıkter men aýla sypyrýshylardy shtatta ustap otyr. Qarajattyń basym bóligi olardyń jalaqysyna ketedi», - dedi ol.
Mádına Mýrsakına qoldanystaǵy «Turǵyn úı qatynastary týraly» QR Zańynda turǵyn úı qoryn basqarýdyń 4 túri kórsetilgenin eske saldy.
Olar - 20 páterge deıin ózin-ózi birlesip basqarý, páter ıeleriniń koopreatıvi, basqarý kompanııasy jáne ózge de basqarý túrleri.
M.Mýrsakınanyń aıtýynsha, dál osy basqarýdyń kóptúrliligi kóp qabatty úılerdi tıimdi basqarýǵa múmkindik bermeı otyr. Ásirese, basqarýshy kompanııalardy páter ıeleri tańdaı almaıdy. Máselen, Astananyń iri qurylys kompanııalary úıdi paıdalanýǵa bererde basqarýshy retinde úlestes kompanııasyn taǵaıyndap ketedi jáne turǵyndar men basqarýshy kompanııa arasynda birqatar másele týyndaıdy.
«Árıne, bul da amalsyzdan jasalǵan shara, sebebi páterdiń barlyǵy bir mezette satylyp ketpeıdi. Bul normany da sarapshylar jiti qarastyratyn bolady. Úıdi qurylys kompanııalarynyń úlestes kompanııalarynyń basqarýy da jón shyǵar, biraq belgili bir merzimge ǵana basqarýǵa berilýi kerek. Odan keıin páter ıeleri jınalyp, óz basqarý organyn qurý máselesin talqylaýy qajet», - dep óz sózin túıindedi M.Mýrsakına.