Qonys aýdarý: 176 otbasy óz óńirine qaıta kóship ketken

NUR-SULTAN. QazAqparat – «Eńbek» memlekettik baǵdarlamasy arqyly jumys kúshi tapshy óńirlerge qonys aýdarǵan otbasylar jańa mekende keminde 5 jyl turýǵa mindetti. Eńbek jáne halyqty áleýmettik qorǵaý mınıstrligi redaktsııanyń saýalyna osylaı dep jaýap berdi, dep habarlaıdy QazAqparat tilshisi.

«Eńbek» baǵdarlamasy sheńberinde qonys aýdarýshylarmen jumys kúshiniń utqyrlyǵyn arttyrý úshin erikti túrde qonys aýdarýǵa járdemdesý boıynsha memlekettik qoldaý kórsetý týraly áleýmettik kelisimshart jasalady. Onyń sharty boıynsha qonys aýdarýshy jańa mekennen 5 jyl ishinde ketken jaǵdaıda kóshýge alǵan sýbsıdııalardyń jáne turǵyn úıdi jaldaý, kommýnaldyq qyzmetterge aqy tóleý boıynsha shyǵystardy óteýge berilgen sýbsıdııalardy bıýdjetke óteýge mindetti ekeni kórsetilgen. ıAǵnı, qonystaný óńirinen bekitilgen merzimnen buryn ketkisi keletin azamattar alynǵan sýbsıdııalardy tolyq qaıtarýǵa tıis», - dep jazady vedomstvo ókilderi.

Qonys aýdarýshylardy qabyldaý óńirleri aıqyndalǵan, olar: Aqmola, Qaraǵandy, Qostanaı, Pavlodar, Soltústik Qazaqstan jáne Shyǵys Qazaqstan oblystary. Mınıstrliktiń málimeti boıynsha, atalǵan óńirlerden 176 otbasy qaıta kóship ketken.

«Júrgizilgen taldaýdyń nátıjesi boıynsha qonys aýdarýshylardyń eline keri qaıtýynyń basty sebebi – klımattyq ózgeshelik (qystyń sýyqtyǵy jáne uzaqtyǵy), jetkiliksiz ınfraqurylym (tabıǵı gazdyń joqtyǵy) jáne otbasylyq jaǵdaılar», - dep jazylǵan mınıstrlik jaýabynda.

Buǵan deıin habarlaǵanymyzdaı, vedomstvo sońǵy 4 jylda ońtústikten soltústikke qonys aýdarǵan otbasylarǵa qansha aqsha jumsalǵanyn málim etti.

Sondaı-aq, mınıstrlik mamandar «Eńbek» kóshi qandaı mamandyqtar tapshylyǵyn joıǵanyn aıtyp berdi.

Resmı derek boıynsha, jumys kúshi tapshy óńirlerge qonys aýdarǵan jastardyń 76 paıyzy jumysqa turǵan.