Kontrabandashylar «sur ımportty» Qytaıdan Qyrǵyzstan arqyly ákelýge tyrysýda - MKK

NUR-SULTAN. QazAqparat - Kontrabanda men zańsyz saýda shemalary Eýrazııalyq memleketter úshin ortaq túıtkilge aınalyp otyr, dep habarlaıdy QazAqparat Memlekettik kiristep komıtetiniń baspasóz qyzmetine silteme jasap.

EAEO erejeleri boıynsha barlyq qatysýshylardyń kedendik alymdary ortaq qorǵa jınalady jáne tepe-teń negizde bólinedi. Sondyqtan QHR-dan kelgen kontrabanda problemasyn elemeýge bolmaıdy.

Qazaqstanǵa ónimdi ákelý úshin kontrabandashylar túrli shemalar oılap tabady. Olardyń biri-Qyrǵyzstan arqyly EAEO aýmaǵyna kirý. Bul jerde qazirgi zamanǵy tehnıkamen jáne ınspektsııalyq-tekserý keshenimen jabdyqtalmaǵan ótkizý pýnktteri «sur ımport» úshin múmkindik beredi. Qujattarda málimdengen derekterge sáıkes kelmeıtin taýar Qyrǵyzstan arqyly jasyryn túrde tasymaldanady. Taýarlar joq alýshylardyń atyna jiberilgen jaǵdaılar tirkelgen. Qyrǵyzstan tarapynan tasymaldanatyn júkterdi taldaý qorytyndysy boıynsha aǵymdaǵy jyldyń 1 toqsanynda joq alýshylardyń atyna taýar ákelýdiń 1,8 myń faktisi anyqtaldy. Olar boıynsha shyǵyndar 1 mlrd teńgeni qurap otyr.

Esterińizge sala keteıik, aǵymdaǵy jyldyń 27 naýryzynan bastap Qyrǵyz Respýblıkasymen ótkizý pýnktterinde baqylaýdy kúsheıtý týraly sheshim qabyldandy. Qazaqstan-Qyrǵyz jáne Qazaqstan-Reseı shekarasynda baqylaý is-sharalary jol boıynda júrgiziledi. Іlespe júk qujattary naqty orny aýystyrylatyn júkpen muqııat salystyrylyp tekseriledi.

Osylaısha, Qazaqstan ózin «sur ımport» pen kontrabandadan qorǵaıdy.