Kontrabandashylar Shý ózeni arqyly Qyrǵyzstanǵa spırt aıdaǵan
08:23, 16 Tamyz 2013
ASTANA. 16 tamyz. QazAqparat - Kontrabandashylardyń tapqyrlyǵynda shek joq. Qyrǵyzstan Respýblıkasynyń memlekettik shekara qyzmetiniń qoǵammen jáne BAQ-men baılanys bólimi qyrǵyz shekarashylary men kedenshileri Shý oblysynyń «Tokmok» shekara beketiniń jaýapkershiligine kiretin aımaqta Shý ózeniniń memlekettik shekara arqyly ótetin tusynda sýdyń ishine ornatylǵan shlangty tapty dep habarlady. Ol arqyly Qazaqstannan Qyrǵyzstanǵa kontrabandalyq spırt kelip otyrǵan.
Teńizdiń túbine kontrabandashylar shlangty bekitý úshin relstiń kesilgen bólikterin qoıǵan. Shlangtyń jalpy uzyndyǵy - 500 metr, dıametri - 20 sm. Osyǵan deıin Qyrǵyzstan Respýblıkasynyń memlekettik shekara qyzmeti Qyrǵyzstanǵa janar-jaǵarmaı materıaldaryn tasymaldaıtyn qubyrdyń tabylǵanyn habarlaǵan bolatyn.