Kontrabandalyq 400 myń qorap temeki taýyq eti tıelgen júk arasyna jasyrylǵan
12:12, 12 Maýsym 2020
NUR-SULTAN. QazAqparat – Shekarashylar Qyrǵyzstannan kontrabandalyq jolmen kelgen iri temeki partııasyn anyqtady, dep habarlaıdy QazAqparat QR UQK baspasóz qyzmetine silteme jasap.
«11 maýsymda Qazaqstan shekarashylary Jambyl oblysyndaǵy «Qarasý» avtomobıl pýnktinde Qyrǵyzstannan Qazaqstanǵa iri temeki partııasyn (shamamen 400 000 qorap) kontrabandalyq jolmen kirgizýdiń aldyn aldy. Temeki taýyq eti tıelgen júkke jasyrylǵan», delingen habarlamada.
Temekiniń ruqsat qujattary men aktsız markalary bolmaǵan.
«Bul Qyrǵyzstan aýmaǵynan taýar-materıaldyq qundylyqtardy zańsyz shyǵarýdyń alǵashqy kórinisi emes ekenin atap ótý kerek. Ustalǵan temeki partııasy Jambyl oblysy boıynsha Memlekettik kirister departamentine tapsyryldy», delingen habarlamada.