Konteıner tasýshy keme AQSh jaǵalaýynda qaıyrlap qaldy
21:09, 15 Naýryz 2022
GONKONG. QazAqparat -Taıvannyń Evergreen Marine korporatsııasy basqaratyn uzyndyǵy 334 metrlik Ever Forward konteıner tasýshy kemesi AQSh-tyń shyǵys jaǵalaýynda qaıyrlap qaldy. Bul týraly QazAqparat Taıvannyń ortalyq aqparat agenttigine silteme jasap habarlaıdy.
Keme qatynasy kompanııasynyń málimetinshe, oqys oqıǵa Gıbson aralynyń janyndaǵy Chesapık shyǵanaǵynda, keme Baltımor portynan shyqqannan keıin bolǵan.
Operator kemeniń túbi men korpýsynyń jaǵdaıyn tekserý úshin súńgýirlerdi paıdalanbaqshy. Ázirge akvatorııaǵa janarmaıdyń aqqan belgileri joq. Qazirgi ýaqytta kompanııa AQSh bıligimen birge qaıyrlap qalǵan kemeni múmkindiginshe tezirek shyǵarý jumystaryn júrgizip jatyr.