Konstıtýtsııalyq Sot beıbit jınalystardy ótkizýge shekteýlerdiń Konstıtýtsııaǵa sáıkestigin tekseredi

<p>ASTANA. KAZINFORM &ndash; Konstıtýtsııalyq Sot aldyn ala qaraý qorytyndysy boıynsha &laquo;Beıbit jınalystardy uıymdastyrý jáne ótkizý tártibi týraly&raquo; Zańnyń 11-baby 1-tarmaǵynyń 2) jáne 3) tarmaqshalarynyń jáne 14-baby 1-tarmaǵynyń 10) tarmaqshasynyń Konstıtýtsııaǵa sáıkestigin tekserý týraly azamattyń ótinishin konstıtýtsııalyq is júrgizýge qabyldady.</p>

QR Konstıtýtsııalyq soty baspasóz qyzmetiniń habarlaýynsha, daýly normalarǵa sáıkes, eger boljamdy ýaqytta jáne tańdalǵan jerde basqa resmı nemese buqaralyq is-sharalar josparlanǵan bolsa nemese qurylys-montaj jumystary júrgizilse, jergilikti atqarýshy organdar beıbit jınalystar ótkizýden bas tartýy múmkin.

Sonymen qatar, ýákiletti organdarǵa azamattardyń quqyqtary men bostandyqtaryn, qoǵamdyq qaýipsizdikti, sondaı-aq kóliktiń úzdiksiz jumys isteýin jáne ınfraqurylym obektileriniń saqtalýyn qamtamasyz etý maqsatynda uıymdastyrýshylarǵa jınalystyń ornyn nemese ýaqytyn ózgertýdi usyný quqyǵy beriledi.

Sýdıa-baıandamashy: Nurmuhanov B.M.

Konstıtýtsııaǵa sáıkestigin tekserýdiń barysy men qorytyndylary týraly aqparat Konstıtýtsııalyq Sottyń resmı saıtynda jáne Telegram-arnasynda jarııalanady.