Konstıtýtsııanyń 91-babynda Elbasynyń eńbekteri atalyp ótýi qajet - Hamenova
«Budan týra úsh aı buryn, osy zalda «Qazaqstan Respýblıkasynyń 25 jyldyq» tarıhı kúnine baılanysty qundy qujat Deklaratsııa qabyldanǵanda: «...Ata Zańymyzda memleketimizdi qurýdaǵy Tuńǵysh Prezıdent - Elbasy Nursultan Ábishuly Nazarbaevtyń biregeı úlesin atap ótý jóninde» jáne «Búgini men erteńimizge Elbasynyń tarıhı bolmysy keńinen nasıhattalýy kerek! Bul baǵyttaǵy is-sharalardyń biri retinde sáýletti bas qalamyz - Astanamyz, elimizdiń mańyzdy, aýqymdy nysandary Elbasy esimimen atalsa, bul - halyqtyń birtýar perzentine degen sheksiz syı-qurmetiniń kórinisi bolmaq» degen usynys aıtqan bolatynmyn. Ókilettikterdiń bólinisi men Ata Zańymyzǵa ózgeristerdiń engizilýi de - zańdy qubylys. Usynylyp otyrǵan nusqada Táýelsizdigimizdiń ortaq halyq úshin qanshalyqty qasterli ekendigine basymdyq berilgen. Sondyqtan da Elbasynyń qazaq elin Máńgilik el bıigine jetelep, qazaq ultyn álemge tanytqan qajyrly eńbegi men sarabdal saıasatynyń Ata Zańymyzda qasıetti Táýelsizdikpen qatar oıyp turyp oryn alýy tarıhı aqıqat!», - dedi Hamenova.
Osy rette Májilis depýtaty halqymyz úshin asa qasıetti Táýelsizdik, Egemen Qazaqstan, Tuńǵysh Prezıdent, Elbasy uǵymdary áldeqashan bir-birinen ajyraǵysyz egiz uǵymdarǵa aınalǵanyn basa aıtty.
«Endeshe, «Konstıtýtsııada belgilengen memlekettiń Táýelsizdigin, respýblıkanyń birtutastyǵy men aýmaqtyq tutastyǵyn, basqarý nysanyn ózgertýge bolmaıdy» delingen Konstıtýtsııamyzdyń 91-baby 2-tarmaǵynyń jańalanǵan nusqasyn, «Qazaqstan Respýblıkasynyń tuńǵysh Prezıdenti, Elbasynyń eren eńbekteri, Táýelsiz ulttyń qalyptasýyna jasaǵan tolaǵaı tabystaryn da erekshelep, biregeı úlesi atalyp ótý qajet»- degen mátinmen tolyqtyrýdy usynamyn. Ári qalyń jurtshylyqtyń oıy Egemendikti tuǵyrly etken Kóshbasshymyzdyń saıası, tarıhı tulǵasyn Ata Zańymyzda aıqyndaý usynysymyzben bir arnaǵa toǵysty», - dedi ol.
Aıta keteıik, birlesken otyrys barysynda «Qazaqstan Respýblıkasy Konstıtýtsııasyna ózgertýler men tolyqtyrýlar engizý týraly» QR zańynyń jobasy birinshi oqylymda talqylanýda.